Алтангэрэлийн Бадарчин 1933 онд Төв аймгийн Эрдэнэсант суманд төрж, 1944 онд бага сургууль төгсч, 13 настайдаа бичиг үсгийн багш, 15 настайдаа ХЗЭ-ийн үүрийн даргаар сонгогдон ажиллаж, ажил амьдралын гараагаа эхэлсэн байна. Төв аймгийн ХЗЭ-ийн хороонд зохиолын хэлтсийн даргаар дэвшин ажиллаж, улмаар 19 настайдаа НДС-ийн оюутан болж суралцан төгсөж МХЗЭ-ийн Төв хорооны лектор, хэлтсийн эрхлэгч, Төв аймгийн ХЗЭ-ийн хорооны 1-р нарийн бичгийн даргаар ажиллаж байсан. МХЗЭ-ийн илгээлтээр 1959 онд Дарханы САА-н даргаар ажиллаж Атрын 1-р аяны төлөвлөгөөг амжилттай биелүүлж, 1961 онд “Алтан гадас” одонгоор шагнагдаж байсан.