Хилийн цэргийн 0108 дугаар ангийн ахлах ахлагч Т.Рэнцэнбадам эмэгтэй хүний тэсвэр хатуужил зоригийг харуулж 2021 оны 08 дугаар сарын 01-ээс Дорноговь аймгийн Замын-Үүд боомтоос Сэлэнгэ аймгийн Алтанбулаг  боомт хүртэл 1100 км туулж 09 дүгээр сарын 17-нд барианд орохоор гүйж байгаа билээ. Түүнийг Төв аймгийн Баянчандмань сумаар  дайран өнгөрөх үед ЗДТГ-ын нийтийн биеийн тамирын арга зүйч, мөн ЕБС-ийн биеийн тамирын багш нар болон Хилийн цэргийн 0151-р ангийн салбар дугаар ангийн бие бүрэлдэхүүн хүндэтгэл үзүүлэн үдэж өглөө. Мөн сумын Цагдаагийн хэсгийн  цагдаагийн алба хаагчид хөдөлгөөний аюулгүй байдлыг ханган Баянчандмань сумын нутаг дэвсгэрээр нэвтрүүлэн өнгөрүүлсэн юм.