“ТӨВ ТҮМНИЙ СҮҮН СОЁЛ” СҮҮНИЙ БАЯР-2024 УЛАМЖЛАЛТ АРГА ХЭМЖЭЭГ БАЯНЧАНДМАНЬ СУМАНД ЗОХИОН БАЙГУУЛЛАА

Төв сайхан нутгийн малчид, үхэрчид, фермерүүд, саальчдаа алдаршуулах, малчид, фермерүүд, хоршоологчдынхоо хөдөлмөрийн онцлог, арга барилыг түгээн дэлгэрүүлэх, сурталчлах, туршлага солилцох, сүү цагаан идээ боловсруулах соёлыг түгээх зорилгоор Төв аймгийн Засаг дарга санаачлан 2022 оноос эхлэн “Төв түмний сүүн соёл” Сүүний баяр арга хэмжээг зохион байгуулж эхэлсэн.

Энэ жил 3 дахь удаагаа зохион байгуулж буй “Төв түмний сүүн соёл” Сүүний баяр-2024 арга хэмжээг Төв аймгийн ЗДТГ, Баянчандмань сумын ЗДТГ, аймгийн ХХААГ, Монголын үхэр үржүүлэгчдийн нэгдсэн холбоо, Стандарт хэмжилзүйн хэлтэс, “Харүмафүжи сан” Үндэсний томоохон үйлдвэрлэгч АПУ дэйри ХХК-тай хамтран зохион байгуулав.

Аймгийн хэмжээнд 2023 онд 139.0 мянган толгой хээлтэгч үнээ тоологдож, үүнээс сүүний чиглэлийн эрчимжсэн үхрийн тоо 16.2 мянгад, эрчимжсэн үхрийн аж ахуй эрхлэгч өрхийн тоо 1008-д хүрч, жилдээ 110 сая литр сүү сааж, зах зээлд нийлүүлж байна.

Энэхүү амжилт нь Төв сайхан нутгийн ажилсаг, хөдөлмөрч малчид, саальчид, фермерүүд, хоршоодын нөр их зүтгэлийн үр дүн юм. Тийм ч учраас малчид, саальчид, фермерүүд, хоршоодынхоо амжилтыг тэмдэглэж, “Төв түмний сүүн соёл” Сүүний баяр арга хэмжээ зохион байгуулдаг уламжлалтай.

"Төв түмний сүүн соёл” Сүүний баяр-2024 арга хэмжээний

“СҮҮН АШИГ ШИМ ИХТЭЙ ҮНЭЭ”-ээр:

1. Баяндэлгэр сумын фермер Э.Уянгын Монбелиард үүлдрийн үнээ

2. Баянчандмань сумын "Мон таримал" ХХК Хар тарлан швецийн бор

3. Аргалант сумын фермер н.Амартүвшингийн Симменталь үүлдрийн үнээ

“НУТГИЙН ЦАЙ” номинацийн шилдгээр:

1. А.Пүрэвдорж /Аргалант сум/

2. Т.Хоросүрэн /Борнуур сум/

3. Ж.Мөнхтуул /Сэргэлэн сум/

“Уламжлалт цагаан идээ” номинацийн

- “Хамгийн сайхан шахсан бяслаг”-аар: Батсүмбэр сум Л.Отгонжаргал

“Хамгийн сайхан загсаасан өрөм"-өөр: Лүн сум Ц.Учрал

“Хамгийн сайхан элгэн тараг” –аар: Баянчандмань сум Ж.Цэрмаа

“Хамгийн сайхан ширгээсэн ээзгий"ээр: Архуст сум Х.Розагийн ээзгий тус тус шилдгээр шалгарлаа.

“ХАМГИЙН САЙХАН ЦАГААН ИДЭЭ БОЛОВСРУУЛСАН СУМ”-ААР:

1. Борнуур сумын хамт олон

2. Баянчандмань сумын хамт олон

3. Аргалант сумын хамт олон

“СААЛЬЧИД ДУУЛЖ БАЙНА” УРАЛДААНЫ ШИЛДГЭЭР”:

1. Батсүмбэр сумын саальчин Б.Золжаргал

2. Эрдэнэ сумын саальчин Б.Цагаандарь

3. Эрдэнэсант сумын саальчин Б.Оюунтунгалаг

“ШИЛДЭГ СУМ”-аар:

1. Баянчандмань сум

2. Борнуур сум

3. Аргалант сум тус тус шалгарлаа.