ОЙ ХЭЭРИЙН ТҮЙМРЭЭС УРЬДЧИЛАН СЭРГИЙЛЬЕ

Аймгийн хэмжээнд энэ долоо хоногт буюу 2024 оны 04 дүгээр сарын 08-ны өдрөөс 13-ны өдрийг хүртэл “Хээрийн түймэр” гарсан тухай 2 удаагийн дуудлага мэдээлэл бүртгэгдсэн байна. Тухайлбал:

Архуст сумын Нарст багийн "Бүдүүн ухаа" гэдэг газар “Хээрийн түймэр” гарсан тухай мэдээллийг 2024 оны 04 дүгээр сарын 13-ны өдрийн 14:23 цагт хүлээн авч тус сумын Засаг даргын Тамгын газрын ажилтнууд 14:20 цагт хээрийн түймрийн тархалтыг зогсоон цурамд оруулж 17:00 цагт хээрийн түймрийг бүрэн унтраасан.

Баян-Өнжүүл сумын Цээл багийн "Улахайн булан" гэдэг газар “Хээрийн түймэр” гарсан тухай мэдээллийг 2024.04.12-ны өдрийн 13:06 цагт хүлээн авч. Тус сумын Засаг даргын Тамгын газрын ажилтнууд, орон нутгийн иргэд ажиллаж 20:50 цагт бүрэн унтраасан байна.

Дээрх хоёр түймэрт 330 га талбай өртөөд байна. Ойрын өдрүүдэд ихэнх нутгаар салхи, шуургатай байх тул ой, хээрт явахдаа галын аюулгүй байдлыг хангаж, дараах зөвлөмжүүдийг дагаарай

2024-04-13 00:00:00